Координационный центр по обеспечению кибербезопасности Государственного комитета национальной безопасности Кыргызской Республики
Кыргыз Республикасынын Улуттук коопсуздук мамлекеттик комитетинин Киберкоопсуздукту камсыздоо боюнча координациялык борбор
Шифрлөө (криптография) каражаттарын камтыган
товардын (продукциянын) мүнөздөмөсү жөнүндө нотификацияларды каттоо жүргүзүү жөнүндө
жалпы маалымат
Кыргыз Республикасынын УКМК Киберкоопсуздукту камсыздоо боюнча координациялык борбору шифрлөө (криптография) каражаттарын камтыган товардын (продукциянын) мүнөздөмөсү жөнүндө нотификацияларды каттоо жүргүзөт.
Нотификацияларды каттоо төмөнкүлөргө ылайык жүргүзүлөт:
- “Тарифтик эмес жөнгө салуу чаралары жөнүндө” Евразия экономикалык комиссиянын коллегиясынын 2015-жылдын 21-апрелиндеги №30 чечими:
- Шифрлөө (криптография) каражаттарын Евразия экономикалык биримдигинин бажы аймагына киргизүү жана Евразия экономикалык биримдигинин бажы аймагынан чыгаруу жөнүндө жобо (Евразия экономикалык комиссиясынын коллегиясынын 2015-жылдын 21-апрелиндеги №30 чечиминин 9-тиркемеси);
- Евразия экономикалык биримдигинин бажы аймагына киргизүү жана (же) Евразия экономикалык биримдигинин бажы аймагынан чыгарууга уруксат тартиби белгиленген товарлардын тизмесинин 2.19-бөлүгү (Евразия экономикалык биримдигинин коллегиясынын 2015-жылдын 21-апрелиндеги №30 чечиминин 2-тиркемеси);
- Шифрлөө (криптография) каражаттары жана аларды камтыган товарлардын мүнөздөмөсү жөнүндө нотификация тууралуу жобо (Шифрлөө (криптография) каражаттарын Евразия экономикалык биримдигинин бажы аймагына киргизүү жана Евразия экономикалык биримдигинин бажы аймагынан чыгаруу жөнүндө жобонун 2-тиркемеси);
- Евразия экономикалык биримдигине мүчө мамлекеттин макулдашуучу органына берилүүчү нотификациялар жөнүндө маалыматтар файлынын түзүлүшү (Шифрлөө (криптография) каражаттары жана аларды камтыган товарлардын мүнөздөмөсү тууралуу нотификация жөнүндө жобонун 1-тиркемеси);
- Шифрлөө (криптография) каражаттары жана аларды камтыган товарлардын мүнөздөмөсү жөнүндө нотификация формасы (Шифрлөө (криптография) каражаттарын Евразия экономикалык биримдигинин бажы аймагына киргизүү жана Евразия экономикалык биримдигинин бажы аймагынан чыгаруу жөнүндө жобонун 3-тиркемеси);
- Шифрлөө (криптография) каражаттары болуп эсептелген же техникалык жана криптографиялык мүнөздөмөсү нотификацияланууга тийиш болгон шифрлөө каражаттарын камтыган товарлар категориясынын тизмеси (Шифрлөө (криптография) каражаттарын Евразия экономикалык биримдигинин бажы аймагына киргизүү жана Евразия экономикалык биримдигинин бажы аймагынан чыгаруу жөнүндө жобонун 4-тиркемеси).
Тышкы экономикалык иштин катышуучуларынын көңүлүн төмөнкүгө бурабыз: товарды шифрлөө (криптография) каражаттары категориясына киргизүү функциясы Кыргыз Республикасынын УКМК Киберкоопсуздукту камсыздоо боюнча координациялык борборунун компетенциясына кирбейт, ал эми нотификацияны каттоодон баш тартуу жөнүндө билдирүү бажы органдарына көрсөтүүгө берилүүчү документ болуп эсептелбейт.
Нотификацияны каттоого арыз жана ага тиркелген материал (нотификация, ишеним кат ж.б.) Кыргыз Республикасынын УКМКга почта аркылуу жөнөтүлөт.
Почта аркылуу жөнөтүү дареги: Бишкек шаары, Эркиндик бульвары, 70, 720040.
Нотификацияларды каттоодон баш тартылгандыгы жөнүндө билдирүү себептери көрсөтүлүп, ошондой эле катталбаган нотификацияларды (анын ичинде кошо көрсөтүлгөн документтер) арыз ээлерине почта аркылуу жөнөтүлөт.
Нотификацияларды каттоого арыз кабыл алуу, нотификацияларды тариздөө жана документтердин статусу боюнча консультацияны электрондук почта аркылуу алууга болот: [email protected], телефону 0(312) 56-30-41.