КР УКМК: К.Ташиев УКМКнын “А” атайын багыттагы кызматынын курал-жарак жана техникасынын жаңы үлгүлөрү менен таанышып, каза болгон жоокерлерди эскерди

         12-майда “Альфа” атайын кызматы тарабынан каза болгон кызматкерлерди эскерүү күнү белгиленет. Анткени, 2006-жылы 12-майда  “Альфа” атайын кызматы алгачкы аскердик жоготууларга учураган.

         Үстүбүздөгү жылдын 13-майында КР УКМК төрагасы генерал-лейтенант К.К. Ташиев ведомствонун орун басарлары менен биргеликте атайын бөлүктүн курман болгон жоокерлерин эскерүү максатында “Альфа” атайын багыттагы кызматына барды.

           КР УКМК төрагасы К.Ташиев «А» атайын кызматына сатылып алынган жаңы аскердик-техникалык жабдуулар менен таанышты. Белгилей кетсек, «А» атайын кызматы ар  дайым  жаңы заманбап курал-жарак жана техника менен жабдылып турат.