КР УКМК: “Йакын-Инкар” ДЭУнун жактоочусун ынандыруу боюнча түшүндүрүү жана алдын алуу иш-чарасы жүргүзүлдү

2023-жылдын 13-июнунда КР УКМК тарабынан “Йакын-Инкар” ДЭУнун тарапташы, Кара-Кулжа районунун Кеңеш а/а тургуну Ж.у.А. менен профилактикалык сүйлөшүү өткөрүлүп, аталган кыймылдын Кыргыз Республикасынын аймагында ишмердүүлүгүнө сот тарабынан тыюу салынгандыгы жана ага ылайык Кыргыз Республикасынын мыйзамына ылайык жоопкерчилик каралгандыгы түшүндүрүлдү.

Жүргүзүлгөн профилактикалык иш-чаралардын натыйжасында Ж.у.А. өзү тандап алган диний багытынын туура эместигин түшүнүп, экстремисттик идеялардан баш тартып, жарандарды “Йакын-Инкар” уюмунун мүчөлөрүнүн мыйзамсыз чакырыктарына алданбоого чакырды.

Учурда Кыргыз Республикасынын аймагында тыюу салынган диний уюмдардын жана алардын тарапташтарынын ишмердүүлүгүн аныктоо жана бөгөт коюу боюнча иштер улантылууда.